تمنا بت پرستی، بت گری ہے
محبت ہر تمنا سے بری ہے
تِرے حسنِ تمنا آفریں نے
خلوصِ عشق پر تہمت دھری ہے
مِرے قصد و طلب کا نام لے کر
روا ان کے لیے جلوہ گری ہے
محبت ہر طرف ہے کار فرما
نہ بندہ ہے نہ بندہ پروری ہے
نہیں مطلوبِ دیدہ ور تجلی
تجلی طالبِ دیدہ وری ہے
حضورِ عشق سے ہیں دور کوسوں
یہ کیا فکر و نظر کی خود سری ہے
ذہین اشعار کیا اسرارِ حق ہیں
ہماری شاعری پیغمبری ہے
ذہین شاہ تاجی
محمد طاسین فاروقی
No comments:
Post a Comment