یوں بھی شبِ فراق سزا کاٹتے رہے
لکھ لکھ کے خط پہ ان کا پتہ کاٹتے رہے
اہلِ ہوس نے کاٹ لی سونے کی کھیتیاں
خود دار لوگ فصلِ انا کاٹتے رہے
جو جس کے تھا نصیب میں لے کر چلا گیا
قسطوں میں اپنے بھائی گلا کاٹتے رہے
جن کو پیامِ امن سے پرخاش تھی بہت
وہ پر کبوتروں کے سدا کاٹتے رہے
طوفاں کا زور کم ہوا لہریں بھی تھم گئیں
دریاؤں میں سفینے ہوا کاٹتے رہے
ہر گام پر تھا ماں کی دُعاؤں کا آسرا
دُشمن ہزار دستِ دُعا کاٹتے رہے
ثروت کسی مقام پہ کھائی نہیں شکست
رستہ سفر میں راہنما کاٹتے رہے
ثروت زیدی بھوپالی
No comments:
Post a Comment