چشم یقیں سے دیکھیے جلوہ گہِ صفات میں
حسن ہی حسن ہے تمام عشق کی کائنات میں
ایسے بھی وقت آئے ہیں عشق کی واردات میں
مستیاں جھوم جھوم اٹھیں دیدۂ کائنات میں
تُو مِری سرگزشت غم سن کے کرے گا کیا ندیم
وقفِ خلش ہے ہر نفس درد ہے بات بات میں
جام و شراب و خم سبو ساقیا ہیں برائے نام
نشہ تِری نظر کا ہے مے کدۂ حیات میں
جس کا انیس تیرا غم جس کی رفیق تیری یاد
اس کو ملا سکون دل بزم تغیرات میں
ترک و طلب کے مرحلے اس طرح ہم نے طے کئے
سامنے میرے وہ رہے آئینۂ حیات میں
عالم بے خودی میں گر سجدہ کیا کوئی وقار
بن گیا نقشِ جاوداں منزل بے ثبات میں
وقار بجنوری
No comments:
Post a Comment