غمِ ہجراں کی تمازت تجھے معلوم کہاں
تجھ پہ گزرا ہی نہیں موسمِ ظلمات ابھی
تجھ سے بچھڑا نہیں ہے کوئی وجہِ جاں تیرا
تجھ پہ چھائی ہی نہیں دن میں صنم رات ابھی
تجھ سے ملتے ہوئے یوں تو ہوئے برسوں لیکن
تجھ سے باقی ہے مِری تھوڑی ملاقات ابھی
زرا کچھ قرب کی دولت تو مِرے نام کرو
مفلسِ ہجر کے سنورے نہیں حالات ابھی
کس طرح چاند کو دیکھوں بھلا اے جانِ شجر
تیرے چہرے میں ہی کھوئے ہیں خیالات ابھی
مزمل عباس شجر
No comments:
Post a Comment