یہ پختہ عزم کے سانچے میں ڈھل نہیں سکتا

 یہ پختہ عزم کے سانچے میں ڈھل نہیں سکتا

کبھی وہ شخص مِرے ساتھ چل نہیں سکتا

یہ بات گردشِ ایام کان کھول کے سن

کسی طور بھی میں رستہ بدل نہیں سکتا

کرے تو کیسے کرے فیصلہ وہ پل بھر میں

جو گہری سوچ سے باہر نکل نہیں سکتا

کبی بھی پا نہیں سکتا وہ اپنی منزل کو

جو شخص رنج و الم سنبھل نہیں سکتا

یہ دورِ ہجر کسی طور ختم ہو جائے

میں اس الاؤ میں اب اور جل نہیں سکتا

تمام کوششیں بے کار جائیں گی جرار

کوئی بھی بانجھ شجر پھول و پھل نہیں سکتا

آغا جرار