اک مکاں شہر تمنا میں ہوا کرتا تھا

 اک مکاں شہرِ تمنا میں ہوا کرتا تھا

دل کا دروازہ اسی سمت کھلا کرتا تھا

میں بھی رہتی تھی کسی حُسنِ نظر میں آباد

ایک شہزادہ مِرے دل میں رہا کرتا تھا

میرے آنگن میں بہت پُھول کھلا کرتے تھے

زندگی کا بھی عجب رنگ ہوا کرتا تھا

خُشک کر ڈالا زمانے کی ضرورت نے اسے

ایک دریا تھا، جو صحرا میں بہا کرتا تھا

یہ جو کھنڈرات ہیں یاں لوگ رہا کرتے تھے

اک زمانہ تھا یہاں شہر ہوا کرتا تھا

کیا شناسائی تھی اس کی مِرے جسم و جاں سے

آنکھ سے دل میں مِرے جھانک لیا کرتا تھا

فرح کامران