ہمراہ مِرے کوئی مددگار کرے گی
احسان کہاں زیست یہ ہر بار کرے گی
ہے میرا ہنر آپ کی تائید سے زندہ
دنیا تو میری ذات کا انکار کرے گی
اک دن مِرے کاندھے سے تو سر ٹیک کے سو جا
یہ نیند تجھے خواب سے بیدار کرے گی
ديواریں اٹھاتا ہے یہاں روز زمانہ
وہ کون ہے جو راستہ ہموار کرے گی
دشمن سے اسے جنگ بھی منظور نہیں ہے
خود سے ہی مجھے بر سرِ پیکار کرے گی
روکے گی میرا راستہ رو رو کے یہ دنیا
پھر باندھ کے تسمے مجھے تیار کرے گی
مزمل بانڈے
No comments:
Post a Comment