ہاتھ آتی نہیں بے کراں زندگی
رابطوں کا عجب امتحاں زندگی
سانس کی ڈور سے ہے جُڑی زندگی
روکتے روکتے بھی رواں زندگی
آبلے پاؤں میں پُر خطر زندگی
موت کی دُھوپ میں سائباں زندگی
نا مکمل کہانی مِری زندگی
بس تِرے نام ہے جانِ جاں زندگی
عشق ہے زندگی، زندگی عشق ہے
حسرتوں کا حسیں آسماں زندگی
دُوریاں، وُسعتیں، فُرقتیں، ہجرتیں
واسطوں سے پرے لا مکاں زندگی
چاہتوں میں رہی مُبتلا زندگی
راحتیں، اُلجھنیں، بے نشاں زندگی
مشال مراد خان
No comments:
Post a Comment