ہو جائیں گے ہمدم ترے غماز ابھی اور
برباد کریں گے تجھے ہمراز ابھی اور
ہے نغمۂ جان سوز تِرے غم کا مداوا
اے مطربِ رنجور! اٹھا ساز ابھی اور
اسلام پہ پھر کُفر کی یلغار ہوئی ہے
اے صاحبِ ایماں! کوئی اعجاز ابھی اور
بیمارِ شبِ غم کا ابھی دل نہیں بہلا
اے بادِ سحر! نغمۂ دمساز ابھی اور
حق کوش کوئی ابنِ علیؑ سا نہیں لیکن
باطل کو مٹانے کو ہیں جانباز ابھی اور
انجام اگر ٹھیک نہیں ہے تو خدا را
کر ذکرِ خداوند سے آغآز ابھی اور
وہ برجِ فلک پر بھی کرے گا نہ بسیرا
شاہین میں ہے طاقتِ پرواز ابھی اور
اے ناز! تِرے لوح و قلم علم نما ہیں
پنہاں تِرے اشعار ہیں ہیں راز ابھی اور
ناز مرادآبادی
انوار احمد صدیقی
No comments:
Post a Comment