بہ شوق دیدہ و نادیدہ خواب لکھنے آ
یہ سادہ دل ہے، محبت کا باب لکھنے آ
لچک کے ٹوٹ گئی شاخ شادمانی کی
ہنوز بستہ کلی ہوں،۔ گلاب لکھنے آ
عجب ہے دھند امید و یقیں کے چہرے پر
یہ پیچ و خم بھی عجب ہے، تِرے سوالوں میں
الجھ رہا ہے مِرا دل،۔ جواب لکھنے آ
شبِ فراق گزاری ہے ہم نے برسوں برس
اے ساقئ غمِ دل! آ، شراب لکھنے آ
کہیں سے بنتی نہیں ہے عذاب کی صورت
گناہ گار تِرا ہوں،۔ عتاب لکھنے آ
قلم کے زور پر اب کیا رقم کرے راقم
کوئی تو حرف میں روشن کتاب لکھنے آ
کلیم اختر
No comments:
Post a Comment