چوبِ صحرا بھی وہاں رشکِ ثمر کہلائے
ہم خزاں بخت شجر ہو کے حجر کہلائے
انکی پوروں میں ستارے بھی ہیں انگارے بھی
وہ صدف جسم ہوئے،۔ آتشِ تر کہلائے
اپنی راہوں کا گلستاں بھی لگے وِیرانہ
جنکی خیرات سے لمحوں کی لویں جاگتی ہیں
شب نژادوں میں وہی دست نگر کہلائے
انکے کتبے پہ یہی وقت نے لکھا ہے کہ یہ
روشنی بانٹتے تھے، تیرہ نظر کہلائے
شادؔ بے صرفہ گیا عمر کا سرمایۂ حرف
ہم کہ تھے جانِ صدا، گُنگِ ہنر کہلائے
عطا شاد
No comments:
Post a Comment