عارفانہ کلام حمدیہ کلام
الٰہی سہل میری زندگی کے امتحان کر دے
زمین کو گل بداماں آسماں کو مہرباں کر دے
یہ قطرہ ہے اسے پھیلا کے بحرِ بیکراں کر دے
یہ ذرہ ہے اسے چمکا کے مہرِ ضوفشاں کر دے
بھٹک پائے نہ کوئی راہرو راہِ صداقت سے
قدم اٹھتے نہیں اب تشنگی سے دھوپ میں یارب
رہِ منزل پہ اپنی رحمتوں کا سائباں کر دے
چمن میں جو بھی آتا ہے وہ تنکے نوچ لیتا ہے
خدایا! اور اونچی میری شاخِ آشیاں کر دے
یہی ہے آرزو میری یہی ہے جستجو میری
میری حمد و ثنا کو تو دلوں کا ترجماں کر دے
میرے ایماں کی کشتی بے خطر ساحل پہ جا پہنچے
کچھ اس انداز سے رخ پر ہوا کے بادباں کر دے
جو تُو چاہے تو سارے راز تخلیقِ دو عالم کے
عیاں کر دے، نہاں کر دے، نہاں کر دے، عیاں کر دے
تُو اپنے فضل سے افسرؔ کی حمد و نعت کو مولا
عطا لطفِ زباں کر دے، عطا حسنِ بیاں کر دے
افسر ماہ پوری
No comments:
Post a Comment