بے تابئ جذبات میں بھونرا نہ بنے ہم
اس پھول سے اس پھول پر اڑ کر نہ گئے ہم
بیٹھے نہ رہے جام بکف، بزمِ طرب میں
جب ظلمتِ شب آئی، تو اک شمع بنے ہم
اے خاکِ وطن! تُو نے ہمیں جب بھی پکارا
ٹوٹا نہ کبھی حوصلہ، ڈوبا نہ کبھی دل
حالات جب الجھے تو پریشاں نہ ہوۓ ہم
زلف و لب و رخسار کا سودا نہ سمایا
منزل کی قسم، طالبِ منزل ہی رہے ہم
جاگے ہوۓ انساں کو تھپک کر جو سلا دے
وہ فلسفۂ خوابِ گراں سن نہ سکے ہم
اویس احمد دوراں
No comments:
Post a Comment