آنکھ کو یار سے خالی ملا قریہ سارا
جب بھی دل شدتِ وحشت میں پکارا یارا
دم بہ دم کٹتی ہوئی عمر کبھی یہ تو بتا
سانس چلتی ہے کہ شہ رگ میں رواں ہے آرا
میرے ٹھہرے ہوئے آنسو کو تُو پانی نہ سمجھ
آنکھ سے ٹپکا تو بن جائے گا روشن تارا
ورنہ دنیا کے مناظر سبھی کم تر لگتے
تُو نے لاہور کی بارش نہیں دیکھی یارا
اس سے ملنے کی اگر دھن نہیں جاگی حماد
تُو رہے گا وہی خشک اور کھنکتا گارا
احمد حماد
No comments:
Post a Comment