میں نے ہر کانٹا تیری راہ کا پلکوں سے چنا

گیت

 میں نے ہر کانٹا تیری راہ کا پلکوں سے چنا

لوگ کہتے ہیں میں دشمن ہوں تیرا تُو نے سنا

میں نے ہر کانٹا تیری راہ کا پلکوں سے چنا

لوگ کہتے ہیں میں دشمن ہوں تیرا تُو نے سنا

جانے کیا سوچ کے ہر ظلم روا رکھا ہے

کیا میں پتھر ہوں جو قدموں میں سدا رکھا ہے

میں نے رکھا ہے فقط اپنی محبت کا بھرم

ورنہ ہرجائی تیرے پیار میں کیا رکھا ہے

میں نے ہر کانٹا تیری راہ کا پلکوں سے چنا

لوگ کہتے ہیں میں دشمن ہوں تیرا تُو نے سنا

بے وفائی کا گِلہ لب پہ نہیں لاؤں گا

تُو مقدر میں نہیں دل کو یہ سمجھاؤں گا

حالِ دل سننے کی شاید تجھے فرصت نہ ملے

تیری دنیا سے بہت دور چلا جاؤں گا

میں نے ہر کانٹا تیری راہ کا پلکوں سے چنا

لوگ کہتے ہیں میں دشمن ہوں تیرا تُو نے سنا

یہ مقدر کا لکھا ہے کوئی تکرار نہیں

میری قسمت میں کوئی سایۂ دیوار نہیں

اب میں تجھ سے بھی عنایت کا طلبگار نہیں

یہ گناہ سب سے بڑا ہے کہ گناہ گار نہیں

میں نے ہر کانٹا تیری راہ کا پلکوں سے چنا

لوگ کہتے ہیں میں دشمن ہوں تیرا تُو نے سنا

خواجہ پرویز