فلمی گیت
یہاں قدر کیا دل کی ہو گی
یہ دنیا ہے شیشہ گروں کی
محبت کا دل ٹھوکروں میں
ہے قیمت یہاں پتھروں کی
بڑی سادگی سے زمانہ
کہانی کا رخ موڑتا ہے
نگاہوں کی بے گانگی سے
محبت کا دل توڑتا ہے
نظر کھیلتی ہے دلوں سے
یہ محفل ہے بازیگروں کی
یہاں قدر کیا دل کی ہو گی
یہ دنیا ہے شیشہ گروں کی
جہاں پیار وقتی تقاضا
وہاں ذکر کیا ہو وفا کا
دھواں بن کے جذبات نکلیں
خلوص ایک جھونکا ہوا کا
کہاں جائیں ہم دل کو لے کر
یہ بستی ہے سوداگروں کی
یہاں قدر کیا دل کی ہو گی
یہ دنیا ہے شیشہ گروں کی
شیون رضوی
No comments:
Post a Comment