بن باس
رات دن خواب بنتی ہوئی زندگی
دل میں نقدِ اضافی کی لو
آنکھ بار امانت سے چور
موجِ خوں بے نیاز مال
داشتِ بے رنگ سے دور کے پھول چنتی ہوئی زندگی
خوف و اماندگی سے خجل
آرزوؤں کے آشوب سے مضمحل
منہ کے بل خاک پر آ پڑی
ہر طرف اک بھیانک سکوت
کوئی نوحہ نہ آنسو نہ پھول
حاصل جسم و جاں بے نشاں رہگزاروں کی دھول
اجنبی شہر میں
خاک بر سر ہوئی زندگی
کیسی بے گھر ہوئی زندگی
افتخار عارف
No comments:
Post a Comment