لے آئی پھر کہاں پر قسمت ہمیں کہاں سے

 فلمی گیت

لے آئی پھر کہاں پر قسمت ہمیں کہاں سے

یہ تو وہی جگہ ہے گزرے تھے ہم جہاں سے

لے آئی پھر کہاں پر

مجبور کر رہی ہے پھر گردشِ زمانہ

ہم چھیڑ دیں وہیں سے گزرا ہوا فسانہ

لیکن کوئی بتا دے بھولے ہیں ہم کہاں سے

یہ تو وہی جگہ ہے گزرے تھے ہم جہاں سے

لے آئی پھر کہاں پر

تیری ہی انجمن میں یہ انتظار تیرا

تیرے بغیر ساتھی جشنِ بہار تیرا

یہ کون سی ادا ہے پوچھیں گے آسماں سے

یہ تو وہی جگہ ہے گزرے تھے ہم جہاں سے

لے آئی پھر کہاں پر

محفل میں آپ کی ہم کچھ اور تو نہ لائے

نغمات میں سجا کر جذبات لے کہ آئے

یاد آئیں گے بہت ہم جائیں گے جب جہاں سے

یہ تو وہی جگہ ہے گزرے تھے ہم جہاں سے

لے آئی پھر کہاں پر قسمت ہمیں کہاں سے

یہ تو وہی جگہ ہے گزرے تھے ہم جہاں سے

شیون رضوی