فلمی قوالی
حسن والے حسن کا انجام دیکھ
ڈوبتے سورج کو وقتِ شام دیکھ
صبح کے سورج کا بھی انداز دیکھ
بھول جا انجام کو آغاز دیکھ
دل کی دھڑکن درد کا سامان ہوں
حسن کا اٹھتا ہوا طوفان ہوں
اہلِ دل ہٹتے نہیں میدان سے
کھیلنے نکلا ہوں میں طوفان سے
حسن کے جلووں سے شاید تُو ابھی انجان ہے
عشق سے ٹکرانے والے تُو بھی تو نادان ہے
حسن والے حسن کا انجام دیکھ
ڈوبتے سورج کو وقتِ شام دیکھ
کیا چیز ہے محبت دنیا سمجھ نہ پائی
گھبرائی ہوئی لیلیٰ محمل سے نکل آئی
میں اپنے ہی جلووں کا خود آپ ہوں سودائی
میں خود ہی تماشا ہوں میں خود ہی تماشائی
حسن کے جلووں سے شاید تُو ابھی انجان ہے
عشق سے ٹکرانے والے تُو بھی تو نادان ہے
حسن والے حسن کا انجام دیکھ
ڈوبتے سورج کو وقتِ شام دیکھ
میرے رکنے سے رکے سارا جہاں
میں چلوں تو چل پڑے ہر کارواں
میری چوکھٹ ہے اک ایسا آستاں
سر جھکاتے ہیں جہاں پر کارواں
حسن کے جلووں سے شاید تُو ابھی انجان ہے
عشق سے ٹکرانے والے تُو بھی تو نادان ہے
حسن والے حسن کا انجام دیکھ
ڈوبتے سورج کو وقتِ شام دیکھ
دیکھے جو مجھ کو زاہد کعبے کو بھول جائے
کاشی کو جانے والے کاشی سے پلٹ جائے
جو مجھ پہ نظر ڈالے کاشی بھی بھی نظر آئے
جو مجھ پہ نظر ڈالے کعبہ بھی نظر آئے
کاشی بھی نظر آئے کعبہ بھی نظر آئے
حسن کے جلووں سے عشق سے ٹکرائے
حسن کے جلووں سے شاید تُو ابھی انجان ہے
عشق سے ٹکرانے والے تُو بھی تو نادان ہے
حسن والے حسن کا انجام دیکھ
ڈوبتے سورج کو وقتِ شام دیکھ
شیون رضوی
No comments:
Post a Comment