آؤ ذکر کریں
کچھ لمحوں کا
اک چائے پئیں
اک چائے جئيں
اک مگ ہو بھاپ اڑاتا ہوا
اک مگ ہو ساتھ نبھاتا سا
کچھ مدھم سى سرگوشی میں
بس ہوا کى آہٹ آتى ہو
کچھ تم چپ ہو کچھ میں نہ کہوں
بس ہم تم ہوں
دو مگ شگ ہوں
کچھ دھواں دھواں سا اٹھتا ہو
اور سامنے رکھے عشق کے مگ
يعنى چائے کے مگ
اک گھونٹ بھریں، دو سانس رکيں
پل دو پل میں صدياں گزریں
آؤ ذکر کریں
آؤ چائے پئیں
میری چائے میں تیرتے پتى کے
کچھ دانے شانے سير پہ ہوں
تیرى چائے میں ميٹھا رقص پہ ہو
میری چائے کو تیرى نٹھ کھٹ سے
تھوڑا دور رکھوں ہل چل نہ ہو
گڑ بڑ نہ ہو
تیرى چائے کو اتنى خبر بھى ہو
میری چائے کو میٹھا پسند نہیں
تیرى چائے کا رنگ تھوڑا گہرا ہے
تھوڑا ٹھہرا ہے
میری چائے کا رنگ بڑا گدلا سا
کچھ گاڑھا سا
تھوڑا کڑوا سا
میں سپ سپ کر کے جان بھروں
تم گھونٹ گھونٹ میں ختم کرو
ديکھو، صبر کرو
يہ چائے ہے، کون سا گھڑياں ہیں؟
کہ ختم کرو، تھوڑا صبر کرو
چلو چھوڑو اب یہ نوک جھونک
باتیں شاتيں
کہيں تھک نہ جائیں
خاموشى کى زباں میں بول کے ہم اور چائے
آؤ چائے پئیں
آؤ ذکر کریں
کچھ دیر اس دنیا سے کٹ کر
بس اپنی اپنی بات کریں
تیرى گمشدگی مجھے راس نہیں
آؤ اک دوجے میں سو جائیں
آؤ چائے پئیں اور کھو جائیں
کوئی رقص ہو بسمل بسمل سا
کوئی تال بجے، کسى ساز پہ ہم
دو چائے کے آخرى گھونٹ بھریں
صدياں جى ليں
دنیا بھوليں
آؤ چائے پئیں
آؤ ذکر کریں
نامعلوم
چائے دنیا کے محبوب ترین مشروبات میں سے ایک ہے۔
ReplyDeleteچائے