مجھے بھی عشق تِری بددعا نہ لگ جائے
میرے عقب میں کہیں یہ بلا نہ لگ جائے
چھپا ہوا ہوں کہیں اپنے خوف سے صاحب
کہاں ہوں میں مجھے میرا پتا نہ لگ جائے
جمال یار کو دل سے نکالتا نہیں میں
کہیں اسے بھی یہاں کی ہوا نہ لگ جائے
تجھے میں چوم لوں لیکن یہ ڈر بھی ہے مجھ کو
مِرے لبوں کو یہی ذائقہ نہ لگ جائے
چلو کہ اب یہاں سب کا قیام ختم ہوا
زمیں پہ ایک دن ایسی صدا نہ لگ جائے
قمر رضا شہزاد
No comments:
Post a Comment