رات آ بیٹھی ہے پہلو میں، ستارو، تخلیہ
اب ہمیں درکار ہے خلوت، سو یارو، تخلیہ
آنکھ وا ہے اور حسنِ یار ہے پیشِ نظر
شش جہت کے باقی ماندہ سب نظارو، تخلیہ
دیکھنے والا تھا منظر جب کہا درویش نے
کج کلاہو، بادشاہو، تاجدارو، تخلیہ
غم سے اب پو گی براہِ راست میری گفتگو
دوستو! تیمار دارو، غم گسارو، تخلیہ
چاروں جانب پے ہجومِ نا شنایانِ سخن
اپنے پورے زور سے فارس پکارو، تخلیہ
رحمان فارس
No comments:
Post a Comment