کل بھی تلاشِ رزق میں گزرا تمام دن
اڑتا پھرا فضا میں پرندہ تمام دن
سوچا تھا اپنے سائے کو دیکھوں تو اوڑھ کر
سورج نے مجھ پہ غصہ اتارا تمام دن
تنہائی کا خیال قریب آتا کس لیے
میں اپنا خود شریکِ سفر تھا تمام دن
وہ لُو چلی کہ حبس کو ترجیح دی گئی
کھولا نہیں کسی نے دریچہ تمام دن
تصویرِ یار پر نہ پڑی غیر کی نظر
سورج کو اپنی جیب میں رکھا تمام دن
بیدل مِری زباں مِرے ہونٹوں پہ دیکھ کر
روتا پھرا اک ابر کا ٹکڑا تمام دن
بیدل حیدری
No comments:
Post a Comment