رندوں کے اس جہان سے نکلا ہوا ہوں میں

 رندوں کے اس جہان سے نکلا ہوا ہوں میں

یعنی تِرے گمان سے نکلا ہوا ہوں میں

اک دشت کر رہا ہے مِری دیکھ بھال یار

اک شخص کی امان سے نکلا ہوا ہوں میں

تُو کہہ رہا ہے یار کا ہی در گیا ہے بس

مجھ کو لگے جہان سے نکلا ہوا ہوں میں

گر پھول ہوں تو وقت سے پہلے بکھر گیا

گر تیر ہوں کمان سے نکلا ہوا ہوں میں

واپس تِرے حضور تو آنے سے اب رہا

میں لفظ ہوں زبان سے نکلا ہوا ہوں میں

اویس علی