لُقمہ بنے گا موت کی چکی کے پاٹ کا
مِٹ جائے گا نشان تِرے ٹھاٹ باٹ کا
وحشت سے نوچتی پھِرو گی اپنے بال تم
دیکھا نہیں ہے تم نے ابھی غصہ جاٹ کا
بھرتے نہیں ہیں رُوح کے گھاؤ کبھی صنم
مرہم نہیں ہے کوئی بھی لفظوں کی کاٹ کا
عزت نہ اتنی دیجئے، آنسو نکل پڑیں
رُخسار پر اثر ہے یہ پچھلے چماٹ کا
کہہ کر یہ بات مجھ کو وہ حیران کر گیا
مخمل میں جچتا ہے کہیں پیوند ٹاٹ کا
دنیا تِرے فریب میں آنے کا اب نہیں
پانی پیا ہے میں نے بنارس کے گھاٹ کا
سایہ تھا والدین کا جب تک نہیں بِکا
آخر کو حصہ ہو گیا واحد پلاٹ کا
صائم علی
No comments:
Post a Comment