عارفانہ کلام منقبت سلام بر بی بی فاطمہؑ
بیٹی جو فاطمہؑ ہے شہ مشرقینؐ کی
زوجہ علیؑ ولی کی ہے مادر حسینؑ کی
بنتِ رسولِ پاکﷺ کا طاعت گزار بن
گر چاہتا ہے زیست میسر ہو چین کی
شیرِ خدا کی مدح میں بنتِ رسول نے
دن کو گزارا شکر میں سجدے میں رین کی
کل انبیاء، امام، ملائک و کبریا
توصیف میں مگن ہیں رسالت کے چین کی
جس نے دکھایا قلب محمدﷺ کی آل کا
محوِ ثنا ہے شیخ اس کے نصب العین کی
حسرت یہ مرتضیٰؑ کی ہے قبرِ بتول پر
تا حشر بن کے شمع جلے زیب و زین کی
مرتضیٰ زمان گردیزی
No comments:
Post a Comment