محاصرہ
مسافر بن کے آئے تھے
میرے دل کے سرائے میں
تمہیں تو کچھ سمے رک کر
یہاں سے کوچ کرنا تھا
نئے رستوں پہ چلنا تھا
اسے تم نے قلعہ سمجھا
کِیا ہے دائمی قبضہ
میرے دل کی ریاست پہ
سنو میں بھی تو نازاں ہوں
تمہاری بادشاہت پہ
مسافر تند خو میرے
لگائے بیٹھے ہو ڈیرے
رکھو یہ چاقو چھریاں
نیزے بھالے، تیر اک جانب
سنو میری گزارش کو
قلعہ تم کو مبارک ہو
مگر تاریکئ شب میں
کبھی بھی وار مت کرنا
میرے دل کے علاقے کو
کبھی مسمار مت کرنا
کبھی مسمار مت کرنا
فاطمہ نجیب
No comments:
Post a Comment