شب چراغوں کی قبا سے نکلتی روشنی
صبح کے پہلو میں کیا جی سکے گی روشنی
میں تِری آنکھوں سے بہتا ہوا تازہ لہو
تُو مِری دھڑکن میں ہر پل سسکتی روشنی
میں نے ہر سُکھ میں تجھے لاڈ سے رکھا تھا یار
کاش! میرے دُکھ میں تُو ساتھ رہتی روشنی
میں بجھے دل میں پلی تیرگی کی بیٹی تھی
کب تلک مجھ راکھ کا ساتھ دیتی روشنی
اِس قدر ممتا بھرا پیار تھا اُس کا مِرا
میں اگر روتی، مِرے ساتھ روتی روشنی
میں فراقِ یار میں بین کرتی شاعرہ
تُو مِرے لفظوں میں نوحے پِروتی روشنی
میں وہ سدرہ ہوں جسے آگ میں جھونکا گیا
تُو وہ سورج ہے جسے راس آئی روشنی
سدرہ غلام رسول
No comments:
Post a Comment