عارفانہ کلام نعتیہ کلام
پایا ہے جو سُرور بیانِ حضورﷺ میں
شاید نہ مل سکے وہ شرابِ طہور میں
جو لفظ بن کے میرے لبوں سے ہوئی طلوع
وہ شکل ازل سے تھی مِرے تحت الشعور میں
پہلا جو تھا وہ نقشِ نبوت انہیﷺ کا تھا
ہر چند سب سے بعد وہ آئے ظہور میں
اس ارضِ پاک کے لیے بیکل ہوں اس قدر
سیماب سا بھرا ہے دلِ نا صبور میں
کرتا ہوں میں جو ظالم و جابر کا سامنا
شامل جلال انہی ؐکا ہے میرے غرور میں
جب انؐ کی نعت صفحۂ دل پر لکھی قتیل
سو چاند جگمگائے حروف و سطور میں
قتیل شفائی
No comments:
Post a Comment