عارفانہ کلام نعتیہ کلام
شوق و نیاز و عجز کے سانچے میں ڈھل کے آ
یہ کوچۂ حبیبﷺ ہے، پلکوں سے چل کے آ
امت کے اولیاء بھی ادب سے ہیں دم بخود
یہ بارگاہِ سرور دیںﷺ ہے، سنبھل کے آ
آتا ہے تو جو شہرِ رسالت مآبﷺ میں
حرص و ہوا کے دام سے باہر نکل کے آ
ماہِ عربﷺ کے آگے تِری بات کیا بنے
اے ماہتاب! روپ نہ ہر شب بدل کے آ
سوز و تپش سخن میں اگر چاہتا ہے تُو
عشقِ نبیﷺ کی آگ میں تائب پگھل کے آ
حفیظ تائب
No comments:
Post a Comment