رِیت کیوں نا میں نئی عشق میں بنا دیتی
اپنے دشمن کی تسلی کو میں کندھا دیتی
قتل کرتی سبھی خوابوں کے حسیں چہروں کو
رات پھر چھپ کے کہیں خواب وہ دفنا دیتی
تشنہ لب ایک مسافر جو کبھی لب کھولے
ایک قطرہ تو کیا میں اسے دریا دیتی
وہ کبھی مجھ کو بتاتا تو سہی رنج و غم
اور گر کچھ بھی نہ ہوتا تو دلاسہ دیتی
ساری ناراضگی چٹکی میں ہوا ہو جاتی
جب اسے پیار بھرا گال پہ تحفہ دیتی
نام تک لینے پہ پابندی گئی لگ ورنہ
میں تِرے نام کا اک پال پرندہ دیتی
کاسۂ دل لیے آیا تھا وہ در پر نازش
میرے خود ہاتھ تھے خالی میں اسے کیا دیتی
نازش غفار
No comments:
Post a Comment