کچھ ایسی کیفیت سے ساقیٔ مستانہ آتا ہے

 کچھ ایسی کیفیت سے ساقیٔ مستانہ آتا ہے

کہ جیسے رنگ چھلکاتا ہوا پیمانہ آتا ہے

کچھ ایسے بھی ہیں جو محفل میں تشنہ کام رہتے ہیں

نگاہ لطف ہٹتی ہے اگر پیمانہ آتا ہے

یہ کس کی شکل آنکھیں بند کرتے ہی نظر آئی

یہ کس کا نام لب پر خود پیۓ افسانہ آتا ہے

اسے ہم بھول جائیں ہم نے چاہا ہے بہت لیکن

خیال آتا ہے اکثر اور بے باکانہ آتا ہے

مجھے اس بے خودی پر بھی دل مرحوم اے جوہر

بہت یاد آتا ہے جب دور میں پیمانہ آتا ہے

جوہر زاہری