نگاہِ شوق سے ہر دل کا کاروبار چلے
مزہ تو جب ہے کہ نقشِ قدم پہ یار چلے
ہے جس کو اپنی محبت کی سرحدیں معلوم
نہ کوئے یار میں آئے نہ سوئے دار چلے
دیارِ دوست سے اٹھے تو پھر کدھر جائے
یہ ضد ہے ان کی یہاں سے ہر اک غبار چلے
وہی تھے زیست کے حاصل وہی حقیقت تھے
جو لمحے تیرے خیالوں میں ہم گزار چلے
بچھڑ کے تجھ سے یہ عالم ہے بدحواسی کا
زمانے بھر کو تیرے نام سے پکار چلے
تیرے خیال سے نکلے تو خود سے دور ہوئے
یہ زندگی بھی تجھی پر مگر نثار چلے
راشد فضلی
No comments:
Post a Comment