سنو انجام واضح ہے
نہ لکھو داستانِ دل
مجھے معلوم ہے رانجھا
ہزارہ چھوڑ آیا تھا
پھرا تھا کس لئے مجنوں
حصار عشق میں تنہا
وفا کی داستانوں میں
محبت جھوٹ ہوتی تو
کوئی سسی، کوئی لیلٰی
کوئی سوہنی نہیں ہوتی
مگر وہ لوگ سچے تھے
وفائیں کھیل نا تھیں جب
سزا سے ڈر نہیں تھا اور
دعائیں پوری ہوتی تھیں
مگر یہ وقت کا پہیہ
بڑھا جاتا ہے منزل کو
یہاں پر منزلیں آساں
مگر رستے کٹھن ٹھہرے
یہ دنیا اور دنیا ہے
یہاں پر داستانوں کو
ادھورا چھوڑ کر راہی
نئی منزل کو جاتے ہیں
وفا کے گیت گاتے ہیں
محبت کھیل جیسی ہے
نئی بازی نیا ساتھی
نئی منزل نئے رستے
نجانے کس لئے عینی
وفا کے گیت لکھتی ہو
وفا تو مر گئی کب کی
یہاں بس کھیل باقی ہے
محبت جھوٹ ٹھہری ہے
سنو انجام واضح ہے
نہ لکھو داستانِ دل
عینی زا سید
No comments:
Post a Comment