ایک ہی لمس پہ جب پہلا بٹن کھلتا ہے

 ایک ہی لمس پہ جب پہلا بٹن کُھلتا ہے

دوسرا، تیسرا پھر سارا بدن کھلتا ہے

سرخ پھولوں پہ نہ رک، دودھیا چشموں سے گزر

ناف وادی میں اتر، بابِ عدن کھلتا ہے

انگیا ڈور نہ کس، نیل نہ پڑ جائیں تِرے

پیاس بجھنے دے کٹوروں کا ڈھکن کھلتا ہے

ران تکیے پہ سلا اور کوئی گیت سنا

انگلیاں پھیر ذرا سر میں کہ من کھلتا ہے

اک زمستاں میں تؤقف تو حماقت ہو گی

آگے آ، دیکھ تو اک اور چمن کھلتا ہے

گرمئ وصل نکال، ایڑیاں بستر پہ رگڑ

دل یہ سن کر تِری پازیب کی چھن کھلتا ہے

کیفیت بھینچ نہیں، لطف کو زحمت نہ بنا

کِھل مِری بند کلی، جیسے دہن کھلتا ہے

آ ،پئیں بادۂ لب، شرم و حیا پھینک پرے

کھینچ لے بندِ قبا، کیف کا بن کھلتا ہے

وہ دوپٹے میں تِرا لپٹا ہوا گیلا بدن

جب بھی کھلتا ہے شکن تا بہ شکن کھلتا ہے

صید اک وار میں کر لے گی نشیلی چِتون

ہے بڑی گرم خبر، دل کا ہرن کھلتا ہے

حظ برانگیختہ کرتا ہے تِرے تن کا عرق

مشک نافے سے تِری رازِ ختن کھلتا ہے

دردِ زہ کیا ہے بلا، حیض ہے کیا، کیا ہے نفاس

مرد جاتی پہ کہاں عقدۂ زن کھلتا ہے

تند خوئی نے تِری بھر دئیے گالوں کے بھنور

خشک سالی میں بھی اک چاہِ زقن کھلتا ہے

لغتِ حسن ہے وہ شوخ سراپا کاشر

تنگئ حرف کسے رزقِ سخن کھلتا ہے

شوزیب کاشر