شاد آباد ملنے آئے ہیں
کیسے برباد ملنے آئے ہیں
آپ گر آسماں سے اتریں
ہم زمیں زاد ملنے آئے ہیں
گفتگو اس قدر جوشیلی ہے
کوئی فرہاد ملنے آئے ہیں
خواب دیکھا کہ لے کر اک پرچم
میرے اجداد ملنے آئے ہیں
عمر بھر فرد نہ ملا آصف
آج افراد ملنے آئے ہیں
آصف نواز
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment