یاد سرکار کو سینے سے لگا رکھا ہے

 عارفانہ کلام حمد نعت منقبت

یاد سرکارﷺ کو سینے سے لگا رکھا ہے​

عشق ان کا ہی فقط دل میں بسا رکھا ہے

لب پہ جس نے بھی ترا ذکر سجا رکھا ہے

خود کو اس نے یوں مصائب سے بچا رکھا ہے

مجھ پہ انعام ہوا ہے یہ مرے آقاﷺ کا

الفتِ شاہﷺ سے اس دل کو سجا رکھا ہے

ہر گھڑی ان کی ہی الفت سے ملی ہے عزت

اس لیے نعت کی محفل کو سجا رکھا ہے

ان کی مدحت سے ہی زاہد کو ملی ہے راحت

نعت سرکارؐ نے خوش حال سدا رکھا ہے

محمد احمد زاہد​