رات ابھری تِری زلفوں کی درازی کیا کیا
خواجۂ حسن نے کی بندہ نوازی کیا کیا
کبھی زنجیر، کبھی مار، کبھی پھول بنی
زلفِ خمدار میں تھی شعبدہ بازی کیا کیا
خالِ رخسار سے میں زلفِ رسا تک پہنچا
ہنس دیا میں رہِ الفت کی بلا خیزی پر
عقلِ عیّار نے کی فلسفہ سازی کیا کیا
حرمِ شوق میں غم کو نہ ہوا بار نصیب
عشق دکھلا گیا آلام گدازی کیا کیا
کاش اس شب میں بھی کچھ شانِ درازی ہوتی
تِری زلفوں نے دکھائی تھی درازی کیا کیا
صوفی تبسم
No comments:
Post a Comment