اب کے خزاں نے ایسے اُڑایا اِدھر اُدھر
پتوں کی طرح ہم کو بکھیرا اِدھر اُدھر
اک دن ٹھہر گئی تھی کسی پر ہماری آنکھ
اُس دن کے بعد ہم نے نہ دیکھا اِدھر اُدھر
دِینارِ عشق جس طرح چاہے اچھال لو
سر پیٹتی پھِرے گی ہر اک سُو شبِ فراق
روتی پھِرے گی صبحِ تمنا اِدھر اُدھر
پیروں بھی سفر کے نشاں جاگتے رہے
دل بھی تِری تلاش میں بھٹکا اِدھر اُدھر
اک مستقل عذاب کی صورت تھا بارِ عشق
پھر ہم نے بھی یہ بوجھ اُتارا اِدھر اُدھر
جس روز ہم اِدھر سے اُدھر ہو گئے کہیں
ڈھونڈے گی پھر ہمیں یہی دنیا اِدھر اُدھر
کچھ اور کھڑکیاں بھی کھُلی تھیں، مگر حسن
ہم نے قسم خدا کی نہ جھانکا اِدھر اُدھر
حسن عباس رضا
No comments:
Post a Comment