نہ زہر خند لبوں پر نہ آنکھ میں آنسو

نہ زہر خند لبوں پر، نہ آنکھ میں آنسو 

نہ زخم ہاۓ دروں کو ہے جستجوۓ مآل​

نہ تیرگی کا تلاطم، نہ سیل رنگ و نور

نہ خار زار تمنا، نہ گمرہی کا خیال​

نہ آتشِ گل و لالہ کا داغ سینے میں

نہ شورش غم پنہاں، نہ آرزوۓ وصال

نہ اشتیاق، نہ حیرت، نہ اضطراب، نہ سوگ

سکوتِ شام میں کھوئی ہوئی کہانی کا​

طویل رات کی تنہائیاں نہیں ہے رنگ

ابھی ہوا نہیں شاید لہو جوانی کا​

حیات و موت کی حد میں ہیں ولولے چپ چاپ

گزر رہے ہیں دبے پاؤں قافلے چپ چاپ

​اختر الایمان