وه کتنی خوبصورت لگ رہی تھی

 وه کتنی خوبصورت لگ رہی تھی

مِری خاطر مگر وه کب سجی تھی

وه جس پل میرے پہلو میں کھڑی تھی

طبعیت میں مِری کچھ بہتری تھی

وه مجھ سے ساری باتیں کر چکی تھی

فقط اک بات تھی جو ان کہی تھی

میں اس کے واسطے اک اجنبی تھا

وه میرے واسطے اک اجنبی تھی

مِرا قد بھی نہ تھا اس کے برابر

وه مجھ سے عمر میں بھی کچھ بڑی تھی

شبِں میں وفا کی روشنی تھی 

بڑا مضبوط ہے یادوں کا رشتہ

تعلق میں اگرچہ خستگی تھی

محبت کو سمجھتا تھا میں دائم

مِری وه کیفیت بھی عارضی تھی

نمازوں میں علی شاذف ہمیشہ

وه زیرِلب کسی کو مانگتی تھی

علی شاذف باقری