اتنی آساں نہ یہ رہائی تھی

 اتنی آساں نہ یہ رہائی تھی

جو تِرے ہجر میں کمائی تھی

غم سے نا آشنا وہ شہزادی

بے سبب تُو نے جو رُلائی تھی

اس کو عادت تھی چھوڑ جانے کی

میری قسمت میں بھی جدائی تھی

وہ تمہیں یاد ہے مِری برسی

ہم نے جو ساتھ میں منائی تھی

ہائے رستوں کو موڑنے والے

تُو نے منزل ہی کیوں دکھائی تھی

تھا مقدر اگر جدائی ہی

کیوں ہوئی تم سے آشنائی تھی

میرا آنا تھا نا پسند اگر

تُو نے محفل ہی کیوں سجائی تھی

میرے خوابوں میں گر نہیں آنا

تُو نے پھر نیند کیوں چرائی تھی

اب وہاں درد کا بسیرا ہے

ہم نے دنیا جہاں بسائی تھی

عالیہ شاہ