پہلے تو جی بہلانے کو مینارے اچھے لگتے ہیں

 پہلے تو جی بہلانے کو مینارے اچھے لگتے ہیں

پھر بوتل اچھی لگتی ہے اور پیالے اچھے لگتے ہیں

تم مجھ کو اچھی لگتی ہو لیکن میں ڈرتا ہوں، کیونکہ

جن سے نفرت ہو جاتی ہے وہ پہلے اچھے لگتے ہیں

شعروں سے میرا رشتہ ہے گویا وہ میری بیوی ہوں

یعنی کہ اپنے سے زیادہ اوروں کے اچھے لگتے ہیں

تم گہرائی میں اترو تو یہ اوکھے ڈھنگ فقیری کے

پہلے کچھ اچھے لگتے ہیں پھر سارے اچھے لگتے ہیں

حجاز مہدی  

مہدی نقوی حجاز