ستم شعار زمانے نے حوصلے نہ دئیے
رہِ سیاہ پہ پھینکا،۔ مگر دِیے نہ دئیے
بہت سے واقعے ایسے گزر گئے ہیں کہ جو
تِرے جمال کی عادت نے دیکھنے نہ دئیے
ہمارے بعد مزارِ وفا کو دیکھو تو
کہیں نہ پھول نہ خوشبو نہ طاقچے نہ دئیے
جدائیاں بھی نہ پندارِ دل مٹا پائیں
کہ راستے تو دئیے دل نے، واسطے نہ دئیے
بھرے جہان سے چن کر مجھے مقدر نے
جو چند لوگ دئیے بھی، تو کام کے نہ دئیے
زبیر حمزہ
No comments:
Post a Comment