نیند آنکھوں سے جاتی رہی رات بھر

 نیند آنکھوں سے جاتی رہی رات بھر

وہ مِرا دل جلاتی رہی رات بھر

میرے دل کے دریچے پہ وہ بیٹھ کر

یوں مِرا دل دُکھاتی رہی رات بھر

چاند نی بھی دریچے سے آتی رہی

یاد تیری دلاتی رہی رات بھر

ہم نے دیکھا تھا جو ایک آنکھ ہی پھر

وہ خیالوں میں آتی رہی رات بھر

مخملی وہ بدن کی مہک ان کے یوں

میرے دل میں سماتی رہی رات بھر

شام سے ہی تِرا چرچہ محفل میں تھا

پھر تِری یاد آتی رہی رات بھر

میرے خوابوں میں چپکے سے آئی کبھی

پھر مجھے وہ جگاتی رہی رات بھر

کروٹیں میں بدلتا رہا سوچ کر

یاد ان کی رُلاتی رہی رات بھر

ہم نے دل سے نکالا تو تھا ان کو کیوں

یاد اشہر! ستاتی رہی رات بھر

اشہر اشرف