عارفانہ کلام حمد نعت منقبت
احمدﷺ کہوں تمہیں کہ محمدﷺ کہا کروں
کس نام سے میں یاد تمہیں مصطفیٰﷺ کروں
شمس الضحیٰ بھی تم ہو تو بدرالدجیٰ بھی تم
تم نور، علیٰ نور ہو میں کیا ثنا کروں
سب انیس و جاں ہیں آپ کی رحمت کے سائے میں
توصیف آپ کی میں کیا خیرالوریٰ کروں
سرتاجِ کائنات یا سرتاجِ دو جہاںﷺ
کس نام سے میں مدحِ شہِ انبیا کروں
پیغام آپ کا ہے محبت بشر کے ساتھ
اس درسِ آگہی کی نہ کیوں اقتدا کروں
تا زیست یہ رہے مِرا معمولِ زندگی
بعد از خدا میں نام تمہارا لیا کروں
اتنا بلند و بالا ہے رتبہ حضورؐ کا
وہ ابتدا لگے ہے جہاں انتہا کروں
محسن عثمانی
نورالحسن
No comments:
Post a Comment