دل وہ کافر کہ سدا عیش کا ساماں مانگے
زخم پا جائے تو کم بخت نمک داں مانگے
لطف آئے، جو کوئی سوختہ سامانِ بہار
خالق رنگ سے پھر شعلۂ عریاں مانگے
حسرتِ دید، سرِ بام تماشا چاہے
رات زلفوں سے کرے شوخ اندھیروں کا سوال
روشنی لوحِ جبیں سے مہِ تاباں مانگے
کم نگاہی کا تقاضا ہے کہ پھر جرأتِ شوق
خود تِری شوخئ انداز سے عنواں مانگے
اک چراغ اور سرِ رہگزرِ باد سہی
چار تنکوں کے لیے کون گلستاں مانگے
دستِ وحشت کے کوئی حوصلے دیکھے تاباںؔ
جب بھی مانگ تو اسی شوخ کا داماں مانگے
غلام ربانی تاباں
No comments:
Post a Comment