تمام عمر قفس آشنا رہا ہوں میں
مجھے سنو کہ بہت دکھ بھری صدا ہوں میں
جدھر نگاہ اٹھے اس طرف ہے ویرانی
رہِ وفا میں اکیلا ہی رہ گیا ہوں میں
مِرے وجود میں کب دخل تیرگی کو ہے
شبِ فراق کا جلتا ہوا دِیا ہوں میں
بھٹک رہا ہوں کسی مہرباں کے کوچے میں
اندھیری رات کا آسیب بن گیا ہوں میں
مِری نگاہ میں اب اس کا عکس تو ابھرے
بڑی ہی دیر سے آواز سن رہا ہوں میں
برس رہا ہوں کسی ریگزار میں شاہدؔ
کھِلا سکا نہ کبھی گل کہ وہ گھٹا ہوں میں
مجھے سنو کہ بہت دکھ بھری صدا ہوں میں
جدھر نگاہ اٹھے اس طرف ہے ویرانی
رہِ وفا میں اکیلا ہی رہ گیا ہوں میں
مِرے وجود میں کب دخل تیرگی کو ہے
شبِ فراق کا جلتا ہوا دِیا ہوں میں
بھٹک رہا ہوں کسی مہرباں کے کوچے میں
اندھیری رات کا آسیب بن گیا ہوں میں
مِری نگاہ میں اب اس کا عکس تو ابھرے
بڑی ہی دیر سے آواز سن رہا ہوں میں
برس رہا ہوں کسی ریگزار میں شاہدؔ
کھِلا سکا نہ کبھی گل کہ وہ گھٹا ہوں میں
شاہد کلیم
No comments:
Post a Comment