میں بھول گیا تجھ میں محرابِ خدا خانہ
اے سجدہ گہِ عالم، اے ابروئے جانانہ
وہ جلوۂ مستانہ، وہ زلف پسِ شانہ
برباد کنِ کعبہ، غارت گرِ بت خانہ
پیمانہ کہاں تک ہے، اے ساقئ میخانہ
پہونچا دیا ساقی نے پایانِ حقیقت تک
پیمانہ بہ پیمانہ، میخانہ بہ میخانہ
تو حسن کے جلووں پر تھا خندہ بزیرِ لب
اب تھام ذرا دل کو اے زاہدِ فرزانہ
تبدیل ہَوا میری، گلگشت فضا میری
اک عشق کا افسانہ، اک حسن کا کاشانہ
اک وجد ٹپکتا ہے ہر لفظِ محبت سے
ہے شعرِ نشورؔ آخر کس حسن کا افسانہ
نشور واحدی
No comments:
Post a Comment