نظریں چرا لو، بند رکھو کان، چپ رہو
سب لوگ چپ ہے تم بھی مِری جان چپ رہو
سچ بات کہہ کے صاحبو! شرمندگی نہ لو
سمجھیں گے لوگ آپ کو نادان، چپ رہو
ہر چیخ بے اثر ہے، ہر اک ظلم بے صدا
جھوٹی تسلیوں سے دلاسہ نہ دو اسے
ہوتے نہیں غریب کے ارمان، چپ رہو
کہنے کو یوں تو سب کے ہے منہ میں زباں مگر
اس دور میں ہے بس یہی آسان، چپ رہو
دیوانہ ہم سے کہہ گیا شاہدؔ پتے کی بات
خود اپنی ذات پہ کرو احسان، چپ رہو
شاہد کبیر
No comments:
Post a Comment